Leys størv

MEST SØKIR MASKINSMIÐJULÆRLINGAR TIL SMIÐJUNA Á SKÁLA

MEST søkir lærlingar til smiðjuna á Skála at byrja sum skjótast ella eftir nærri avtalu. Ein útbúgving við nógvum spennandi møguleikum.

Vilt tú vita meiri um hvussu tað er at vera lærlingur á MEST, ert tú vælkomin at seta teg í samband við okkum á hr@mest.fo ella ringja til 301100.

Hevur tú hug at standa fyri stáløkinum á goymsluni hjá MEST í Tórshavn?

Í goymsluni hjá MEST í Tórshavn, kemur tú at avgreiða sølu, tilevna stál og handfara goymsluna av stáli.

Vit ynskja, at tú:

·         ert opin og hevur lætt við at samskifta

·         ert førur fyri at loysa smáar handaligar uppgávur

·         hevur trukkoyrikort

·         hevur telduførleikar á brúkarastøði

·         ert framfýsin og ágrýtin at umsita stálgoymsluna

·         hevur góðan hug at selja

·         hevur áhuga innan stáløki og loysnum úr stáli

MEST hevur sølubúðir/goymslur í Tórshavn, á Skála og í Runavík. Tín starvsstaður er í Tórshavn men tú kemur at samstarva við hinar deildirnar um innanhýsis flutning av stáli/vørum.

Vit bjóða

Tú fært eitt starv í eini av landsins størstu vinnufyritøkum, har trivnaðurin er í hásæti. Og tú færtmøguleika at starvast í einum spennandi og nýskapandi umhvørvi.

Tú fært gott innlit í maritima virksemið og kemur at veita tænastur til kundar á sjógvi og landi. MEST er í eini tilgongd, har virksemi í sølubúðunum og goymslunum verðurraðfest hægri. Við yvur 35.000 vørunummur kemur tú tískil at fáa eina breiða vitan.

Sum partur av MEST samtakinum hevur tú atgongd til okkara matarskipan á øllum deildum okkara.

Freistin at søkja starvi er 3. juni og vit hava leypandi samrøður, so hvørt sum umsóknir verða latnar inn.

Um tú hevur spurningar viðvíkjandi starvið, kanst tú ringja til Eirik Joensen tlf. +298 79 11 77

Spennandi skrivstovustarv í PAM Offshore Service toyminum  

 Veitingarnar av starvsfólki til on- & offshore er í stórum vøkstri, og tískil hava vit brúk fyri einum dugnaligum og tænastusinnaðum starvsfólki til skrivstovu okkara. 

Tú verður ein lyklaleikari í okkara vøkstri, tá vit senda starvsfólk til frálandavinnuna, tí tú kemur m.a. at gera skrásetingar og fáa loyvir uppá pláss. Harumframt kemur tú at samskifta við starvsfólk, veitarar og altjóða kundar hjá okkum. 

Starvið fevnir í høvuðsheitum um: 

• Skrásetingar av skeiðum við meira hjá starvsfólki 

• Samskifti við viðskiftafólk 

• Bókhaldsuppgávur 

• Lønir og tímaeftirlit 

• Sølufakturering 

Vit bjóða eitt fjølbroytt arbeiðsumhvørvi, har trivnaðurin er góður. Starvsfólkini eru okkara týdningarmiklasta tilfeingi, tískil bjóða vit starvsfólkunum upplæring og menningarmøguleikar eftir tørvi. 

Til starvið vænta vit av tær: 

• At tú hevur viðkomandi útbúgving ella royndir innan skrivstovuøkið 

• At tú hevur góðar KT førleikar 

• At tú ert ágrýtin og tænastusinnað/ur 

• At tú megnar at arbeiða sjálvstøðugt 

Royndir innan bókhald og Business Central er ein fyrimunur, tó ikki eitt krav um tú hevur rætta hugburðin. 
 
Ynskir tú at vita meira um starvið, ert tú vælkomin at seta teg í samband við dagliga leiðaran á PAM Offshore Service, Anju Jacobsen, tlf. 791139.   
 

Umsókn 

Umsóknin skal vera okkum í hendi í seinasta lagi 23 mai 2022.  

Umsókn við prógvum, CV og møguligum ummælum, skal latast inn umvegis leinkjuna her á síðuni. 

PAM Offshore Service – Mykinesgøta 5, FO-100 Tórshavn – www.pam.fo 

PAM Offshore Service P/F hevur til endamáls at veita starvsfólk til olju og gassídnaðin, so sum elektrikarar, sveisarar, instrumentrørleggjarar og verkfrøðingar, bæði On- & Offshore. Vit eru vanliga millum 75 og 100 fólk í starvi á PAM Offshore Service.  
PAM Offshore Service er ein partur av MEST samtakinum, sum  fevnir um skipasmiðjurnar á Skála og í Tórshavn, framleiðsluverksmiðjuna í Runavík. Um 500 starvsfólk eru í starvi í MEST samtakinum, og kundar okkara eru bæði føroyskir og útlendskir. Sostatt er MEST eitt av størstu framleiðslufeløgunum í landinum. 

MEST hevur tørv á einum innkeypara, sum kemur at arbeiða á innkeyps- og logistikk økinum hjá MEST.

Arbeiðsuppgávurnar fevna millum annað um

• At útvega tilboð og hava samskifti við veitarar

• At keypa inn vørur til goymslu og verkætlanir

• At samskipa frakt og skjøl í hesum sambandi

• At skráseta vørur

·         At gera avtalur við veitarar

Tú hevur tætt samskifti við aðrar deildir á MEST, verkætlanarleiðarar, søludeild og goymslu – umframt uttanhýsis veitarar og flutningsfeløg.

Útbúgving/royndir

Tú hevur royndir við innkeypi og/ella logistikk, og helst royndir við innkeypi av tekniskum vørum og lutum, men hetta er tó ikki ein fortreyt um tú hevur rætta hugburðin. Ynskiligt er, at tú hevur hóskandi útbúgving. Dugir at arbeiða við teldu og at málbera teg á enskum og føroyskum í skrift og talu.

Vit vænta at tú:

• hevur tekniskan og maritiman áhuga

• ert ágrýtin og arbeiðsom/samur

• ert sinnað/ur at arbeiða “skeivar tíðir”

• ert væl skipað/ur

• hevur góð evnir at samskifta

Setanartreytir

Starvið verður sett sum skjótast. Høvuðsarbeiðsstaður verður í Tórshavn, men nakað av arbeiðstíðini verður á Skála og í Runavík.

Spurningar

Fyrispurningar um starvið kunnu setast til Richard Mortensen, Sølu og Innkeypsleiðara á tlf. 791158, ella til rmm@mest.fo.

Seinasta freist at søkja starvið er 20 Mai 2022.

MEST samtakið fevnir um skipasmiðjurnar á Skála og í Tórshavn, framleiðsluverksmiðjuna í Runavík og dóttirfelagið PAM-Offshore Service, sum hevur starvsfólk í oljuvinnuni, serliga í Norra. Felagið ræður yvir nýmótans verkstøðum, stórari goymslu við sølu og framkomnari tekni- og verkfrøðingastovu. Um 500 starvsfólk eru í starvi í MEST samtakinum, og kundar okkara eru bæði føroyskir og útlendskir. Sostatt er MEST eitt av størstu framleiðslufeløgunum í landinum.

Hevur tú hug at koma í læru sum sølufólk í sølubúðini á MEST í Tórshavn?
 

Í sølubúðini hjá MEST fært tú eitt arbeiðspláss við spennandi avbjóðingum innan sølu og kundarøkt. Her er góður trivnaður og tú fært nógvar góðar starvsfelagar.

Um læruplássið

Tú fært eina miðvísa upplæring innan ymisk økir í okkara virksemi og kemur á skúlabonk ein part av tíðarskeiðnum í Danmark. Í lærutíðini leggja vit okkum eftir at geva eina upplæring í okkara vørum, kundarøkt, søluteknikkir og goymslu.

Tú kemur at starvast í okkara sølubúð og goymslu í Tórshavn. Okkara goymsla er tann størsta í landinum við yvir 35.000 vørunumrum.

Vit ynskja, at tú hevur miðnámsútbúgving, FHS og at tú:

·         ert opin og hevur lætt við at samskifta

·         hevur góðan teldu- og talførleika

·         ert framfýsin og ágrýtin

·         hevur áhuga í mekaniskum og el-lutum

·         hevur góðan hug at selja

MEST hevur sølubúðir/goymslur í Tórshavn, á Skála og í Runavík.  Starvstaðurin er í høvuðsheitum í Tórshavn, men í lærutíðini kann roknast við at starvast í hinum deildunum part av lærutíðini.

Vit bjóða

Tú fært eitt lærupláss sum logistikkatstøðingur í eini av landsins størstu vinnufyritøkum, har tú fært møguleika at starvast í einum spennandi og nýskapandi umhvørvi.

Tú fært gott innlit í maritima virksemið og kemur at veita tænastur til kundar á sjógvi og landi. MEST er í eini tilgongd, har virksemi í sølubúðunum verður raðfest hægri. Við yvur 35.000 vørunummur kemur tú tískil at fáa eina breiða vitan eftir lokna útbúgving.

Sum sølufólk kemur tú at avgreiða viðskiftafólk í sølubúðunum/goymslunum umframt at gera sølufremjandi arbeiði eins og góður møguleiki er fyri føstum starvi eftir lokna útbúgving.

Sum partur av MEST samtakinum hevur tú eisini atgongd til okkara matarskipan á øllum deildum okkara.

Freistin at søkja starvi er 29. Apríl og vit hava leypandi samrøður, so hvørt sum umsóknir verða latnar inn.

Um tú hevur spurningar viðvíkjandi starvið, kanst tú ringja til Eirik Joensen tlf. +298 791177.

Vilt tú verða við at leiða spennandi verkætlanum á MEST?

Vit leita eftir einum eldhugaðum verkætlanarleiðara, ið tekur ábyrgd av størri og smærri verkætlanum innan skip, alivinnu og vinnu á landi.

Tú fært ábyrgdina av:

·         At gera tilboð, fyrireika og skipa uppgávur í tøttum samstarvi við kundan og starvsfelagar

·         At tryggja, at arbeiðið verður avgreitt sum avtalað við kundan til ásetta tíð og kostnað

·         At góðskan á arbeiðnum er sum avtalað

·         At gera upp, eftirmeta og avhenda uppgávur

Starvsstaðurin er á høvuðsdeildini hjá MEST í Havn, men verkætlanarleiðarin kemur at arbeiða í øllum samtakinum alt eftir hvar verkætlanirnar eru.

Verkætlanarleiðarin vísir til leiðaran fyri Rakstrardeildini.

Tín vangamynd:

Tú arbeiðir sjálvstøðugt, hevur eitt jaligt lyndi, og dugir væl at samstarva. Tú sært týdningin í at halda tíðarfreistir og arbeiðir við nærlagni. Tú megnar at arbeiða undir trýsti, tá nógvir bóltar eru í luftini í senn.

Tú dugir væl føroyskt og enskt og hevur KT kunnleika á brúkarastøði. Kunnleika til skip, skipsútbúnaða og størri verkætlanir er ein fyrimunur.

Vit bjóða tær:

Eitt fjølbroytt og áhugavert starv við stórum fakligum og persónligum avbjóðingum í einum mennandi umhvørvi.

Sum partur av MEST samtakinum hevur tú atgongd til okkara matarskipan á øllum deildum okkara.

Løn og setanartreytir eru í samráð við leiðsluna.
Starvið verður sett skjótast gjørligt og samrøður verða leypandi so hvørt umsóknir koma inn.

Ynskir tú meira at vita um starvi ert tú vælkomin at seta teg í samband við Dánjal Jákup Berg í Soylu, Rakstrarleiðara á tel 791231 ella á teldupost: djs@mest.fo

Umsókn

Freistin at søkja starvi er 27. Apríl 2022 og vit hava leypandi samrøður, so hvørt umsóknir verða latnar inn. Umsókn við prógvum, CV og møguligum ummælum skal sendast inn umvegis leinkjuna niðanfyri.

Samtakið MEST er samansett av trimum virkisøkjum, nevnliga Skipasmiðjum,  Verkstaði til framleiðsluvinnuna og Offshore tænastum. Virksemið umfatar í høvuðsheitum at smíða, umbyggja og umvæla skip – og at framleiða útgerð úr rustfríum stáli til vinnuna á sjógvi og á landi. Okkara starvsfólk eru serkøn innan stál, el, mekanikk, hydraulikk, timbur, og máling. Eisini selja vit eykalutir og veita tænastur við sleiparum og kranum. Umleið 500 starvsfólk starvast í samtakinum.

MEST søkir plastsveisara til Plasttoymið

Hevur tú hug at gerast partur av einum toymi við góðum samanhaldi og trivnaði?  

Sum plastsveisari hjá MEST kemur tú at arbeiða á okkara sveisiverkstaði í Runavík og eisini at ferðast saman við toyminum til kundar í øllum Føroyum.

Tínar uppgávur sum Plastsveisari

Í starvinum sleppur tú at royna teg sjálvstøðugt, við spennandi og avbjóðandi uppgávum innan plastsveising. Hetta inniberð:

·         Plastsveising av rørum og plátum

·         Uppsetan av rørskipanum og tangum

·         Framleiða serloysnir úr plast

·         Monteringsarbeiði

Arbeiðstíðin er 40 tímar um vikuna frá 08.00 – 16.10.

Til tíðir kann tó væntast at nógv at gera, og tískil kanst tú eisini vænta longri dagar, tá á stendur. Tá tørvur er á tí kann eisini væntast, at tú arbeiðir við øðrum uppgávum enn innan plastøkið.

Vit ynskja at tú:

·         Ert útbúgvin handverkari ella arbeiðsmaður

·         Megnar at arbeiða sjálvstøðugt.

·         Kennir stoltleikan í at gera vala handverk, í góðsku og útsjónd

·         Ert fyrikomandi og samstarvsinnaður fyri starvsfeløgum og kundum okkara.

Royndir innan plastsveising er ein fyrimunur men ikki ein treyt.

Tá tú byrjar hjá okkum fært tú eina upplæring innan plastøkið. Harumframt verður vænta at tú luttekur á skeiði til plastsertifikat.

Starvið verður sett skjótast gjørligt. Løn og setanartreytir í samráð við MEST.

Arbeiðsplássið

MEST er ein av landsins størstu vinnufyritøkum við deildum í Tórshavn, Runavík og á Skála.

Tín arbeiðsstaður er í høvuðsheitum á deildini hjá okkum í Runavík har trivnaðurin og samanhaldið millum starvsfelagarnar er í hásæti. Tú kemur tó at ferðast runt allastaðni kring landið har kundar okkara hava brúk fyri okkum.

Sum partur av MEST samtakinum hevur tú atgongd til matarskipan á øllum deildum okkara har vit bjóða morgunmat og miðmála.

Ynskir tú meira at vita um starvi ert tú vælkomin at seta teg í samband við Dánjal Jákup Berg í Soylu, Rakstrarleiðara á tel 791231 ella á teldupost djs@mest.fo

Frestin at søkja starvi er 8. Apríl  og vit hava leypandi samrøður, so hvørt sum umsóknir verða latnar inn.

Søk starvið her

MEST SØKIR LÆRLINGAR Í TÓRSHAVN

MEST søkir lærlingar at byrja sum skjótast ella eftir nærri avtalu.

Maskinsmiðir

Sveisarar

Kleinsmiðir

Vilt tú vita meiri um hvussu tað er at vera lærlingur á MEST, ert tú vælkomin at seta teg í samband við okkum á hr@mest.fo ella ringja til 301100.

MASKINSMIÐIR TIL HYDRAULIK ARBEIÐI Á MEST í Tórshavn

Ágrýtnir og nærlagdir maskinsmiðir til MEST í Tórshavn

Maskinsmiðir

Søkt verður eftir maskinsmiðjum, ið vilja taka ábyrgd í arbeiðinum. Innihaldið í starvinum er í høvuðsheitum viðlíkahald av hydraulikskipanum á skipum og landi, eitt nú:

·         Umvæling og nýgerð av hydraulik útbúnaði

·         Umvæling av spølum og kranum

·         Leggja rør skipanir

·         Sýn og eftirlit av hydraulikskipanum fyri kundar

·         Í tíðarskeiðum kann væntast annað mekaniskt arbeiði so sum pumpur, róður, gear v.m.

Førleikar

Viðkomandi útbúgving og royndir innan arbeiðsøkið.

Skipasmiðuroyndir eru ein fyrimunur, tó ikki ein treyt.

Starvið, løn og setanartreytir

Løn og setanartreytir eru í samráð við MEST. Størvini verða sett skjótast gjørligt.

Meira at vita

Ynskir tú fleiri upplýsingar ert tú vælkomin at seta teg í samband við Dánjal Jákup Berg í Soylu, Rakstrarleiðara
á tlf 791231 ella á teldupost djs@mest.fo

Umsókn

Søk starvið her

MEST SØKIR MASKINSMIÐJULÆRLINGAR TIL SMIÐJUNA Í RUNAVÍK

MEST søkir lærlingar til smiðjuna í Runavík at byrja sum skjótast ella eftir nærri avtalu. Ein útbúgving við nógvum spennandi møguleikum.

Vilt tú vita meiri um hvussu tað er at vera lærlingur á MEST, ert tú vælkomin at seta teg í samband við okkum á hr@mest.fo ella ringja til 301100.