fo / en
Totalview HR rekruttering
Ment av Formula

MEST - Starv innan burðardygd og umhvørvi

Vit sóknast eftir einum røskum og eldhugaðum persóni, sum, í tøttum samstarvi við onnur í felagnum, kemur at eyðmerkja økir, har MEST kann menna og fremja týðandi loysnir á burðardyggu grønu kósini.

 

Um starvið

Talan er um eitt nýtt spennandi starv, har tú hevur stóra ávirkan á tín arbeiðsdag. Tú kemur at hava ábyrgd og at arbeiða sjálvstøðugt við verkætlanum, har málið verður at leiða MEST fram á leið á burðardyggu grønu kósini.

 

Arbeiðsuppgávurnar verða millum annað hesar:

·         At savna, greina og skipa hagtøl innan burðardygd

·         At leggja fram úrslit og at gera kunningartilfar grundað á hagtøl innan burardygd

·         At seta í verk týðandi átøk innan orku og umhvørvi á MEST

 

Um teg

Vit vænta, at tú hevur viðkomandi útbúgving og royndir, har tínir førleikar millum annað eru at tú:

·         ert fakliga væl fyri í mun til at menna og hevur hug at arbeiða við økjum innan orku og umhvørvi

·         dugir væl at fáa hugskot og seta tey í verk á ein nýskapandi hátt

·         hevur góð evni til at seta teg inn í nýggj viðurskiftir og altjóða rák innan títt fakøki

·         dugir væl at skipa og leggja arbeiðið til rættis og at halda freistir

·         ert sjálvstøðug/ur, men dugir væl at samstarva og at arbeiða í toymi

·         hevur ein jaligan hugburð og ert álítandi

Um tær vantar onkrar royndir, men tú harafturímóti hevur eina stóra motivatión at menna teg innan hetta arbeiðsøkið, heita vit eisini á teg um at søkja starvið.

Løn og setanarviðurskifti
MEST bjóðar eitt áhugavert starv í einum felag í støðugari menning, og sum hevur stóran samfelagsligan týdning í Føroyum. Løn og setanarviðurskifti verða sambært avtalu við arbeiðsgevara.

 

Talan er um eitt fulltíðarstarv. Starvið er staðsett innan økið Heilsu, Trygd og Umhvørvi (HTU). Starvsstaðið verður á einum av okkara trimum staðsetingum í Tórshavn, Runavík ella á Skála.

 

Umsókn
Umsóknir verða viðgjørdar í trúnaði. Meiri fæst at vita um starvið við at venda sær til Mouritz Mohr, stjóra,  á tel. +298 79 11 30.

 

Umsókn við CV, prógvum, viðmælum og øðrum viðkomandi skjølum skal vera okkum í hendi í seinasta lagi 04 januar 2023 og skal latast inn umvegis hesa síðu. 

 

  

 

Lagt út tann
24. nov. 2022
Starv
Starv innan burðardygd og arbeiðsumhvørvi hjá MEST
Starvsheiti
MEST - Starv innan burðardygd og umhvørvi
Virki
MEST
Deild
HTU
Umsóknarfreist
04. jan. 2023
Byrjunardagur
Skjótast gjørligt
Henda síðan brúkar farspor (cookies)
Vit brúka farspor fyri at kunna gera tína uppliving betri.
Neyðug farspor tryggja, at heimasíðan riggar, sum hon skal.
Tú kanst altíð taka samtykkið aftur. Hetta gert tú við at fara til síðuna um farspor